Մեր աղբյուրները փոխանցում են, որ Երևանի տարբեր շրջանների ՀՀԿ կառույցներում լուրջ դժգոհություն է սկսվել: Բանը հասել է նրան, որ կուսակցության տարածքային կազմակերպությունների անդամները խմբերով անդամագրվում են «Բարգավաճ Հայաստան» կուսակցությանը:
Օրինակ` Արաբկիր վարչական շրջանի ղեկավար Էդուարդ Մուշեղյանի՝ Կյաժ Էդոյի նշանակումից ի վեր, թաղապետարանից հեռացվել են «Հանրապետական» կուսակցության ակտիվ անդամներ, ովքեր ավանդաբար կարևոր դերակատարություն են ունենում համապետական ընտրությունների ժամանակ:
Մեր աղբյուրները փոխանցում են, որ նրանցից շատերի անպատասխան դիմումներն ու խնդրանքները՝ իրենց աշխատանքով ապահովելու և կամ սոցիալական վիճակը բարելավելու վերաբերյալ, ստիպել է հեռանալ սեփական կուսակցությունից և անդամագրվել «Բարգավաճ Հայաստանին», որտեղ անհապաղ լուծվում են և սոցիալական, և հնարավորության դեպքում աշխատանքի հետ կապված հարցերը:
