Իտալիայի ֆինանսական գվարդիան Թուրինի ավտոմոբիլային թանգարանին է հանձնել այն քաղաքացու ավտոմեքենաների հավաքածուն, որը 4,5 միլիոն եվրո հարկեր չի վճարել: Այս մասին հայտնում է ՌԻԱ Նովոստին:
Նշվում է, որ թանգարանը Ջենուայի բնակչից ստացել է 17 ավտոմեքենա, որը զբաղվել է հին ավտոմեքենաների առք ու վաճառքով:
Այսպես, 2013-2018 թվականներին տղամարդու ձեռքի տակով են անցել 25 Maserati, Lamborghini, Bentley, Porsche եւ 8 Ferrari ավտոմեքենաներ:
Հինգ տարվա ընթացքում տղամարդը 4,5 միլիոն եվրոյի հարկային պարտքեր է կուտակել: Այդ պատճառով նա իր ունեցվածքը գրանցել է ընկերուհու հարազատների և նրա ծանոթների անունով, ինչը նրան թույլ էր տալիս Մոնակոյի գավառում համարանիշներ ձեռք բերել, որտեղ ապրում էին նրա հանցակիցները:
Կոլեկցիոների նկատմամբ հետաքննությունը սկսվել է 2018 թվականի մայիսին նրա հարկային պատմությունը ստուգելուց հետո: Պարզվել է, որ նա մեքենաները գրանցել է ութ անձերի անունով: Նա պատրաստվում էր մեքենաներ վաճառել Մոնտե Կառլոյի և Մեծ Բրիտանիայի փառատոներում:
Ջենովայի դատախազությունը կանխել է գործարքը՝ առգրավելով եւ Թուրինի թանգարան փոխանցելով մեքենաները: Մեքենաների մեջ են Lamborghini Murcielago, Corvette եւ երեք Ferrari:
