Իրանը կպատասխանի Միացյալ Նահանգներին՝ «Իսլամական հեղափոխության պահապանների կորպուսի» գեներալ Ղասեմ Սոլեյմանիի սպանության համար, հայտարարել է Իրանի հոգևոր առաջնորդ Ալի Խամենեին՝ Իրաքի վարչապետ Մուստաֆա ալ-Կազըմիի հետ բանակցությունների ընթացքում:
«Նրանք ձեր տանը սպանեցին ձեր հյուրին և ուղղակի խոստովանեցին հանցագործությունը», – ասել է Խամենեին իր զրուցակցին:
Իրանը չի մոռանա այս հանցագործությունը և «անպայման հարվածելու է ամերիկացիներին», – հավելել է Իրանի առաջնորդը:
ԻՀՊԿ գեներալ Ղասեմ Սոլեյմանին սպանվել է հունվարի 3-ին Բաղդադի օդանավակայանի մերձակայքում, ԱՄՆ օդուժի կողմից հրթիռային հարձակման արդյունքում՝ ԱՄՆ նախագահ Դոնալդ Թրամփի հրամանով:
