F-35A Lightning II 5-րդ սերնդի կործանիչների 8 միավոր, որոնք արտադրվել էին Թուրքիայի համար, փոխանցվել են ԱՄՆ-ի ռազմաօդային ուժերի հաշվեկշռին։ Նշվում է, որ ԱՄՆ-ի սենատի համապատասխան հանձնաժողովը դեռևս նախորդ շաբաթ էր թույլտվություն տվել երկրի ռազմաօդային ուժերին նշյալ կործանիչները մոդիֆիկացիայի ենթարկելու։
Այս շաբաթ կործանիչներն արտադրող ամերիկյան «Lockheed Martin» ընկերությունը, կործանիչների վրա ներկով արված գրությունները փոխարինելով նոր գրություններով, հանձնել է ԱՄՆ-ի ԶՈւ-ին, իսկ նախորդ շաբաթ արտադրող ընկերությունը F-35 ռազմական ինքնաթիռների արտադրության համար բացված ինտերնետային կայքի «միջազգային մասնակիցներ» բաժնից հեռացրել էր Թուրքիայի անունը։