«Հարցը իսկապես հրատապ է, և երբ նախարարությունը, հաշվի առնելով համավարակի տարածման տեմպը և ինչ-որ չափով փորձելով լուծել այս խնդիրը, որոշեց, որ այս տարի ընդունելության քննությունները պետք է լինեն մեկ առարկայի միջոցով։ Արդեն սա խոսում էր այն մասին, որ մենք կարող է ունենանք ինչ-ինչ խնդիրներ։ Մասնավորապես մենք արհեստականորեն բարձրացրեցինք ընդունելության միավորի շեմը։ Ինչպես արդեն նշեցի, համավարակով պայմանավորված էր այս որոշումը, քանի որ աշխատատեղեր փակվեցին, մենք գիտենք, որ շատ երեխաներ մինչև այսօր էլ շարունակում են օգտվել կրկնուսույցի ինստիտուտից, որոնք բնականաբար գումար արժեն։ Եվ սրանով մենք փորձեցինք նաև կանգնել ծնողների կողքին, որպեսզի նրանք վճարեին ոչ թե երկու կամ երեք առարկայի գումար, այլ սահմանափակվեին ընդամենը մեկ առարկայի գումարի շրջանակներում» , – «Առաջին լրատվական»-ի հետ զրույցում ասաց ԱԺ «Իմ քայլը» խմբակցության պատգամավոր Լիլիթ Ստեփանյանը։