Եվրամիությունը (ԵՄ) «փաստորեն կրկնապատկել է հետագա յոթ տարվա»՝ 2021 – 2027 թվականների, «համար իր բյուջեն նախորդ յոթամյա ժամանակաիջոցի՝ 2014 – 2020 թականների համեմատությամբ: Հուլիսի 21-ին այդ մասին հայտնել է Ֆրանսիայի նախագահ Էմանուել Մակրոնը ԵՄ-ի գագաթնաժողվի արդյունքներին նվիրված մամուլի ասուլիսում:
Գագաթնաժողովում ԵՄ-ի հաստատված յոթնամյա բյուջետային պլանի և Եվրամիության տնտեսության վերականգնման հիմնադրամի ընդհանուր ծավալը կազմում է 1,824 տրիլիոն եվրո, 2014 – 2020 թվականների բյուջեն կազմել է 959 միլիարդ եվրո:
«Ամբողջությամբ վերցված, հաշվի առնելով վերականգնման հիմնադրամը, մենք կարողացանք գործնականում կրկնապատկել Եվրոպայի առաջիկա տարիների բյուջեն: Այսօր մենք ունենք յոթնամյա բյուջե և վերականգնման պլան, որոնք մոտենում են Եվրամիության (միագումար) համախառն ներքին արդյունքի (ՀՆԱ) 2 տոկոսին»,- նշել է Մակրոնը:
Եվրամիության՝ բյուջեին նվիրված գագաթնաժողովը շարունակվել է գրեթե չորս օր՝ հուլիսի 17-ից մինչև 21-ը: Դրա արդյունքներով ԵՄ-ի ղեկավարները հաստատել են Միության՝ 2021 – 2027 թվականների բյուջետային պլանը 1 074,3 միլիարդ եվրոյի չափով և որոշում են ընդունել ստեղծել ԵՄ-ի տնտեսության վերականգնման արտաբյուջետային հիմնադրամ 750 միլիարդ եվոյի ծավալով, որից գրեթե 209 միլիարդ եվրոն կստանա համավարակից առավել տուժած Իտալիան:
Տնտեսության վերականգնման հիմնադրամում բոլոր միջոցները Եվրահանձնաժողովի կողմից կներգրավվեն ԵՄ-ի ընդհանուր պարտային հանձնառությունների տեսքով՝ մինչև 2058 թվականը մարմամբ: Այդ միջոցներից 390 միլիարդ եվրոն կբաշխվի ԵՄ-ի առավել տուժած երկրների և տարածաշրջանների միջև դրամաշնորհների տեսքով, այսինքն՝ անհատույց, և 360 միլիարդն՝ արտոնյալ վարկերի տեսքով, հաղորդել է ՏԱՍՍ-ը:
