Իմունոլոգ, Միլանի պետական համալսարանի պրոֆեսոր Մարիո Կլերիչիի խոսքով՝ կորոնավիրուսի երկրորդ ալիքը շատ ավելի հեշտ կլինի, քան առաջինը: Դա կապված է նրա հետ, որ ամռան ամիսներին COVID-19-ն արդեն կթուլանա ուլտրամանուշակագույն ճառագայթների ազդեցության տակ:
Դա պարզ է դարձել իրականացված հետազոտություններից հետո: Այն ժամանակ իտալացի կենսաբանները Sars-CoV-2 վիրուսը տեղադրել են ջրի կաթիլներում: Այսպիսով, նրանք վերարտադրեցին այն ազդեցությունը, որը տեղի է ունենում այն ժամանակ, երբ վարակված անձը հազում և փռշտում է: Դրանից հետո նրանք այն ենթարկել են տարբեր աստիճանի ուլտրամանուշակագույն ճառագայթման: Պարզվել է, որ ուլտրամանուշակագույն լույսի ազդեցությունը նույնիսկ փոքր չափաբաժիններով մի քանի վայրկյանում կարող է առաջացնել վիրուսի ամբողջական անգործություն:
Կլերիչին նաև նշել է, որ այն կորոնավիրուսը, որի մասին այսօր խոսվում է, գործնականում չի տարբերվում նրանից, որը Եվրոպայում տարածվում էր փետրվարին:
Կլերիչին նաև կարծում է, որ COVID-19- ի դեմ պայքարին կօգնի ողջ բժշկական համակարգի պատրաստակամությունը: