Ամերիկացի ռեփեր Քանյե Ուեսթը, որը որոշել է պայքարել Միացյալ Նահանգների նախագահության համար, իր առաջին հանդիպումն է անցկացրել ընտրողների հետ:
Երաժիշտը ժողովրդի հետ հանդիպման էր եկել զրահաբաճկոնով, որի վրա գրված էր Security, իսկ նրա ծոծրակին արդեն սափրված է եղել 2020 թիվը:
Ինչ-որ պահի՝ ռեփերն արտասվել է մարդկանց առաջ: Նա հիշել է, թե ինչպես էր հայրը ցանկանում, որ իր կինը հղիության արհեստական ընդհատում կատարի: «Մայրս ինձ փրկեց:
Հայրս ուզում էր, որ նա աբորտ անի»,-ասել է ռեփերը:
Վերջում Քանյեն հայտարարել է մայրերին նյութական աջակցություն ցուցաբերելու անհրաժեշտության մասին: Յուրաքանչյուր կնոջ, ով ծննդաբերում է, ըստ երաժշտի, պետք է վճարվի մեկ միլիոն դոլար: Միևնույն ժամանակ, նա խոստովանել է, որ դրա համար դեռ ֆինանս չունի:
Ուեսթը նաև բոլորին հորդորել է պահպանել աստվածաշնչյան պատվիրանները: Խոսելով միգրանտների մասին, նա նշել է, որ չկա ապօրինի ներգաղթ, և բոլոր մարդիկ պետք է ազատ լինեն:
Միևնույն ժամանակ, նա հայտարարել է ԱՄՆ ռազմական ներուժը զարգացնելու անհրաժեշտության մասին: Նրա կարծիքով, հակառակ դեպքում երկրին կճնշեն: