Իրանի իշխանությունները մահապատժի են ենթարկել ԿԸՀ-ի օգտին լրտեսության և գեներալ Քասեմ Սուլեյմանիի տեղաշարժի մասին տվյալներ հաղորդելու մեջ մեղադրվողին: Այդ մասին հաղորդել էTasnim գործակալությունը:
Մահմուդ Մուսավի Մաջդը, որին նաև մեղադրել են իսրայելական «Մոսադ» հետախուզության օգտին աշխատելու մեջ, մահապատժի է ենթարկվել հուլիսի 20-ի առավոտյան:
Դատապարտյալի դեմ գործն սկսվել է դեռ մինչև Սուլեյմանիի զոհվելը և առնչություն չունի Իրանի բարձրաստիճան զինվորականի նկատմամբ ԱՄՆ-ի գործողության հետ:
ԱՄՆ-ը հունվարի 3-ին Բաղդադում իրականացրել է Սուլեյմանիի ոչնչացման գործողությունը: Ի պատասխան Իրանը հրթիռային հարվածներ է հասցրել իրաքյան ռազմակայանին, որտեղ բնակավորվել էին ամերիկացի զինծառայողներ: Սկզբում ԱՄՆ-ի նախագահ Դոնալդ Թրամփը և Պենտագոնի ղեկավարությունը հայտարարել են, որ գնդակոծման հետևանքով զոհեր չեն եղել: Այնուհետև զինվորականներն ստիպված են եղել խոստովանել, որ տուժածներ կան: Ընդ որում՝ նրանց թիվը մշտապես ավելացել է, հաղորդել Է ՌԻԱ Նովոստին: