Գերմանիայի չորս դաշնային հողերի վարչապետները խնդրում են Միացյալ Նահանգներին չկրճատել երկրում տեղակայված ամերիկյան զորքերի թիվը: Այս մասին հայտնում է «Reuters» գործակալությունը՝ հղում անելով ԱՄՆ Կոնգրեսի անդամներին ուղղված վարչապետների նամակին:
Գերմանիայում ամերիկյան զորքերի թվի կրճատման դեմ են հանդես գալիս Բավարիան, Հեսենը, Բադեն-Վյուրթեմբերգը և Ռայնլանդ-Պֆալցը, ասվում է հաղորդագրության մեջ:
Նամակում նշվում է, որ Գերմանիան ձգտում է ուժեղացնել իր բարեկամությունը Միացյալ Նահանգների հետ և պաշտպանել Եվրոպայում ամերիկյան ներկայությունը:
Ավելի վաղ ԱՄՆ նախագահ Դոնալդ Թրամփը հավանություն էր տվել Գերմանիայից 9,500 ամերիկյան զորքերի վերատեղակայման պլանին՝ «Ռուսաստանին զսպելու համար»:
