Իրանում մինչև 25 միլիոն մարդ վարակվել է կորոնավիրուսով, հետագայում այդ թիվը կարող է աճել մինչև 30-35 միլիոնի: Այս մասին հայտարարել է նախագահ Հասան Ռոհանին՝ հայտնում է Mehr-ը:
Նրա խոսքով՝ կորոնավիրուսային համավարակի 150 օրվա ընթացքում երկրում մահացել է 14 հազար մարդ:
Անդրադառնալով փորձագետների կանխատեսումներին՝ նախագահն ասել է, որ մոտ ապագայում COVID-19-ով հոսպիտալացվածների թիվը կրկնապատկվելու է: Այս պահի դրությամբ ամբողջ համավարակի համար հոսպիտալացվածների թիվը կազմում է 200 հազար մարդ:
Ռոհանին նաև նշել է, որ Իրանի առողջապահությանը հասանելի է հինգ դեղամիջոց՝ կորոնավիրուսային վարակի դեմ:
