Մադրիդի «Ռեալի» գլխավոր մարզիչ Զինեդին Զիդանը կարևորել է «արքայական ակումբի» յուրաքանչյուր ֆուտբոլիստի գործոնը Իսպանիայի չեմպիոնի տիտղոսը նվաճելու հարցում:
«Հրաշալի զգացողություն է: Պայքարեցինք մինչև վերջ և հիմա մենք շատ երջանիկ ենք: Այս չեմպիոնությունը ֆուտբոլիստների վաստակն է: Ես իմ դերն ունեցել եմ այս հաղթանակում, սակայն սա յուրաքանչյուր ֆուտբոլիստի աշխատանքի արդյունքն է»,- հաղորդմամբ Զիդանի խոսքերը փոխանցում են իսպանական ԶԼՄ-ները:
Մադրիդի «Ռեալն» իր պատմության մեջ 34-րդ անգամ դարձավ Իսպանիայի ֆուտբոլի առաջնության չեմպիոն: Լա լիգայի 37-րդ տուրում թիմը սեփական հարկի տակ հյուրընկալեց «Վիլիառեալին» և Բենզեմայի զույգ գոլերի շնորհիվ հաղթանակ տոնեց 2:1 հաշվով: «Արքայական ակումբը» միավորների քանակը հասցրեց 86-ի և առաջնության ավարտից մեկ տուր առաջ հռչակվեց չեմպիոն:
