Ֆրանսիայի վարչապետ Ժան Կաստեքսը սենատում հայտարարել է, որ «հաջորդ շաբաթվանից» հանրային վայրերում պաշտպանիչ դիմակ կրելը պարտադիր կդառնա, հաղորդում է Le Figaro-ն:
Նախօրեին, Le Parisien պարբերականին տված հարցազրույցում վարչապետը հայտարարել է, որ երկրում նման միջոցը կներդրվի ոչ ուշ, քան օգոստոսի 1-ը:
Պարբերականը նշում է, որ նման որոշման ընդունումը պայմանավորված է կառավարության հասցեին հնչած քննադատությամբ. եթե դիմակները կարող են զսպել համաճարակի տարածումը, ապա չարժե ևս կես ամիս սպասել:
Ֆրանսիայի նախագահ Էմանուել Մակրոնը հուլիսի 14-ին տված հարցազրույցում ասել էր, որ ցանկանում է արդեն առաջիկա շաբաթներին հանրային վայրերում պաշտպանիչ դիմակ կրելը պարտադիր դարձնել: «Մենք գիտենք, որ դա շատ հաջող է կիրառվում տրանսպորտում: Բայց հասարակական վայրերում բավարար կարգավորված չէ»,- ասել է նա:
