Այսօր հակառակորդի մարտական անօդաչուի հարվածից վիրավորվել է Չինարի գյուղի բնակիչ Արամայիս Հովակիմյանը։ Ադրբեջանական կողմն անցել է քաղաքացիական բնակչության և օբյեկտների թիրախավորման կողմը։ Ինչո՞վ է դա պայմանավորված․ «Առաջին լրատվական»-ի հարցին Օրբելի կենտրոնի փորձագետ Տարոն Հովհաննիսյանը պատասխանեց․ «Նախկին օրերին ևս թիրախավորում էր քաղաքացիական բնակչությանը։ Ես անձամբ եղել եմ Ներքին Կարմրաղբյուր գյուղում, որտեղ տուն էր վնասվել։ Ընդ որում՝ տներից մեկում հարվածի պահին տարեց կին էր եղել։ Նրա հետ խոսելուց նկատվում էր, որ բավականին վախեցած էր։ Եթե հարվածը մի փոքր այս կողմ լիներ, ոչ թե այն կողմ, ապա կվնասվեր ոչ միայն տունը, այլև նա։ Այնտեղ մեկ տուն էլ ամբողջությամբ փլվել էր, ու, բարեբախտաբար, այդ պահին տանը ոչ ոք չէր եղել։
Ինչո՞ւ են ադրբեջանցիներն այսպես անում։ Մի պարզ պատճառով․ մինչ օրս նրանք ռազմական ճակատում խայտառակ պարտություն են կրում։ Նրանց բոլոր կորուստները՝ բոլոր առումներով, անհամաչափ մեծ են։ Քանի որ նրանք չեն կարողանում ռազմական ճակատում հաջողություն գրանցել, չեն կարողանում իրենց այս խայտառակ պարտությունը ծածկել, փորձում են քաղաքացիական բնակչությանը թիրախավորելու մեթոդներով իրենց մոտ տրամադրություններ բարձրացնել, իսկ մեր բնակչության վրա հոգեբանական ճնշում գործադրել։ Այսինքն՝ հիմնականում սրանով է պայմանավորված»։
Մանրամասները՝ տեսանյութում։