Ռեփեր Քանյե Ուեսթը դեռ կարող է մասնակցել ԱՄՆ նախագահական մրցավազքին 2020թ.-ին, հաղորդում է TMZ-ն:
Հուլիսի 15-ին Քանյե Ուեսթն իր առաջին պաշտոնական քայլն արեց դեպի Սպիտակ տուն տանող ճանապարհին: Նա Դաշնային ընտրական հանձնաժողովին է ներկայացրել ընտրություններին մասնակցելու համար անհրաժեշտ դիմումի առաջին ձևը: Սակայն, ռեփերը դեռ չի ներկայացրել ավելի կարևոր փաստաթուղթը՝ առաջադրվելու մասին հայտարարությունը:
Ավելի վաղ ընտրարշավի մասնակից քաղտեխնոլոգը հայտարարել էր, որ Քանյե Ուեսթը դուրս է եկել նախագահական մրցավազքից, և նա այլևս չի ցանկանում պետության ղեկավար դառնալ:
Քանյե Ուեսթն նախագահի պաշտոնում առաջադրվելու իր ցանկության մասին հայտարարել էր հուլիսի սկզբին: Նրան աջակցել էր գյուտարար Իլոն Մասկը՝ թվիթերում գրառում հրապարակելով: Սակայն Քանյե Ուեսթի Forbes-ին տված ցնցող հարցազրույցից հետո, որում նա դեմ էր արտահայտվել պատվաստումներին, Մասկը հեռացրել էր գրառումը: