Այսօր՝ հուլիսի 15-ին, Ազգային ժողովում հրավիրվել է արտահերթ նիստ: Այժմ քննարկվում է Կենտրոնական բանկի խորհրդի անդամի ընտրության հարցը: «Իմ քայլը» ներկայացրել է Հովհաննես Խաչատրյանի թեկնածությունը:
«Հայաստանի տնտեսության զարգացման խորքային խնդիրներից մեկը թերևս փողի թանկ գինն է` վարկային տոկոսադրույքները շարունակում են շատ բարձր մնալ: Որպես ԿԲ խորհրդի անդամի թեկնածու` ինչ պետք է անի ԿԲ-ն էժան փողի քաղաքականության անցնելու համար»,- թեկնածուին հարցրեց անկախ պատգամավոր Արման Բաբաջանյանը:
Պատգամավորն անդրադարձավ նաև վարկային կազմակերպությունների անբնական բարձր տոկոսներին. «ԿԲ-ն ֆինանսական կազմակերպությունների հարցում կարծես թե որդեգրել է չափազանց պասիվ վերահսկողի դերակատարում, և ֆինանսական կազմակերպությունների ախորժակը չի զսպվում»:
Մանրամասն՝ տեսանյութում:
