Այսօր՝ հուլիսի 15-ին, Ազգային ժողովում հրավիրվել է արտահերթ նիստ: Այժմ քննարկվում է Կենտրոնական բանկի խորհրդի անդամի ընտրության հարցը: «Իմ քայլը» ներկայացրել է Հովհաննես Խաչատրյանի թեկնածությունը:
Ինչպես նշեց թեկնածուն` ինքը ջերմ քննարկումներ է ունեցել նաև ԲՀԿ և ԼՀԿ պատգամավորների հետ:
Նրա խոսքով` բանկային համակարգն ապահովել է տնտեսության մեջ ներդրումների գերակշիռ մասը. «Ֆինանսական համակարգը գնահատում եմ խիստ մրցակցային: ՀՆԱ-ի 5.9 տոկոսը ֆինանսական ծառայություններն են, խոշոր հարկատուների ցուցակում գրեթե միշտ բանկերն ու ֆինանսական կազմակերպությունները ներկա են»:
Թեկնածուն համոզված է, որ ՀՀ տնտեսությունը դուրս է գալու այս ճգնաժամից ավելի հասունացած, նոր իմպուլսներով և գաղափարներով, իսկ ֆինանսական համակարգը, վստահ եմ, իր կառուցողական դերն է ունենալու այդ գործում:
Մանրամասն՝ տեսանյութում: