Լուրեր
Այդ հրապարակումների համար կարող եք սամասուդի արժանանալ, և չհասցնենք ձեզ փրկել. Խաչատրյանը՝ ԶԼՄ-ներին
  • 14:12
  • 2020-07-15
  • Դիտումներ՝ *

Այսօր՝ հուլիսի 15-ին, Ազգային ժողովում հրավիրվել է արտահերթ նիստ: Այժմ քննարկվում է ԱԺ կանոնակարգ օրենքում փոփոխություններ կատարելու մասին հարցը:

«Իմ քայլի» պատգամավոր Արմեն Խաչատրյանն անդրադարձավ այս օրերին լրատվական դաշտում տեղի ունեցող միտումներին. «Չեմ կարող չցիտել մի քանի հրապարակումներ, օրինակ` «Նիկոլ Փաշինյան, էդ ի՞նչ ես պայմանավորվել ադրբեջանցի ընկերոջդ հետ, որ տղադ բանակը պրծնելուց հետո պատերազմ սկսի», կամ` «Հակառակորդը խոցեց ռազմավարական նշանակության օբյեկտ»: Սա ես գնահատում եմ ոչ թե ընդդիմախոսություն, այլ դիվերսիա, սա պարտիզանական պայքար է պետության դեմ, ուղղված է պետության ազգային անվտանգության ուժերը ջլատելուն»:

Նրա խոսքով` ոչ վաղ անցյալում այսպիսի արարքների համար գնդակահարում էին փողոցներում. «Դա անում էին ստիպված` պաշտպանելու համար երկիրը և ժողովրդին: Ես կոչ եմ անում մտածելու ինչ-որ կարգավորում, որ կարողանանք ֆիլտրել, որ այդ աղբը չմտնի դաշտ: Այսպիսի հրապարակումներով կարող եք սամասուդի արժանանալ, և իշխանությունները կարող է չհասցնեն փրկել նրանց»:

Մանրամասն՝ տեսանյութում:

  • Դիտումներ՝ *