Ռուսաստանցի պրանկերներ Վլադիմիր Կուզնեցովը (Վովան) և Ալեքսեյ Ստոլյարովը (Լեքսուս) ՄԱԿ-ի գլխավոր քարտուղար Անտոնիու Գուտերիշի անունից հեռախոսազրույց են վարել Լեհաստանի նախագահ Անջեյ Դուդայի հետ: Զրույցի ձայնագրությունը տեղադրվել է «Օկտագոն» Youtube-ալիքում:
Պրանկերները շնորհավորել են Լեհաստանի առաջնորդին ընտրություններում տարած հաղթանակի կապակցությամբ և հարցրել, թե ինչպես է COVID-19-ի համավարակն ազդել ընտրությունների անցկացման վրա:
Դուդան պատասխանել է, որ կորոնավիրուսը չի ազդել Լեհաստանում անցկացված նախագահական ընտրությունների ընթացքի վրա: Նա նաև նշել է, որ երկրում վարակի նոր դեպքերի թիվն այդքան էլ շատ չէ, և վարակի հիմնական աղբյուր է անվանել ուկրաինացիներին:
«Հիմնական աղբյու՞րը: Գուցե Ուկրաինան: Քանի որ Լեհաստանում շատ են Ուկրաինայից ժամանած մարդիկ»,- ասել է նա: