48 տարեկան հասակում վախճանվել է էստոնացի գործարար, ներդրող և ծրագրավորող, հանրաճանաչ Skype մեսենջերի ստեղծողներից Թոյվո Աննուսը:
Ըստ News.err.ee պորտալի, գործարարի մահվան պատճառը «անսպասելի հիվանդությունն» էր: Ընդ որում, ընտանիքի խնդրանքով մահվան պատճառների մանրամասները չեն հաղորդվում:
Աննուսի հաջողությունը սկսվել է Skype-ի ստեղծմամբ՝ իր երեք ընկերների հետ: Դրանից հետո նա որպես ներդրող ակտիվորեն մասնակցել է մի քանի բիզնես նախագծերում:
Անցած տարվա օգոստոսին Skype-ի էստոնացի համահիմնադիրների Ambient Sound Investments (ASI) ներդրումային ընկերության ակտիվների արժեքն աճել է 17.5 տոկոսով, տարեկան կտրվածքով հասնելով 131 միլիոն եվրոյի:
2010թ.-ին Աննուսը Էստոնիայի նախագահի կողմից պարգևատրվել է Սպիտակ աստղի 5-րդ աստիճանի շքանշանով:
