Իտալիա-Հայաստան խորհրդարանական բարեկամական խմբի ղեկավար Մասսիմիլիանո Կապիտանիոն իր համերաշխությունն է հայտնել հայ ժողովրդին: Կապիտանիոն նշել է, որ ակնկալում է շուտափույթ վերադարձ խաղաղությանը:
«Իմ համերաշխությունն եմ հայտնում Հայաստանին և հայ ժողովրդին: Որպես խորհրդարանական բարեկամական խմբի ղեկավար ակնկալում եմ շուտափույթ վերադարձ խաղաղության, ինչպես նաև իրավունքների, պատմության և ինքնության հանդեպ հարգանքի լիակատար դրսևորման»,- նշել է Կապիտանիոն:
Solidarietà all'#Armenia e al suo popolo. Come presidente dell'intergruppo parlamentare auspico un celere ritorno alla #pace e il pieno rispetto di diritti, storia e identità@GiulioCentemero pic.twitter.com/fkiplBMN3L
— Massimiliano Capitanio (@maxcapitanio) July 13, 2020
Իտալացի մեկ այլ պատգամավոր՝ Ալեխանդրո Պագանոն, «Թվիթեր»-ի իր միկրոբլոգում հիշատակել է իրենց հավատքի համար 1915թ. Հայոց ցեղասպանության ընթացքում Օսմանյան Թուրքիայի ձեռքով նահատակված 1.5 հայերին, նշելով, որ նույնն այսօր կատարվում է արդեն Ադրբեջանի կողմից:
«Համերաշխությունս եմ հայտնում Հայաստանին, որը բազմիցս քրիստոնյա աշխարհի հենակետի դերն է ստանձնել: Այդ մասին մեզ ամեն օր հիշեցնում են 1915թ. իսլամական Օսմանյան Թուրքիայի կողմից նահատակված միլիոնավոր հայերը: Հայաստանը դարձյալ այդ դերում է, այս անգամ Ադրբեջանի գրոհի ներքո»,- գրել է Պագանոն:
Solidarietà all’Armenia che più volte, ha svolto il ruolo di avamposto di civiltà cristiana. Il suo milione di vittime sacrificate dall’#Islam #turco #ottomano nel 1915 ce lo ricordano ogni giorno. Ancora una volta #Armenia sotto attacco, stavolta dell’ #Azerbaigian. https://t.co/wKom1Hqins
— Alessandro Pagano (@alepaganotwit) July 13, 2020
ՀՀ պաշտպանության նախարարությունը հայտնել էր, որ Ադրբեջանի զինված ուժերի զինծառայողները հուլիսի 12-ին՝ ժամը 12:30-ի սահմաններում, ՈՒԱԶ մակնիշի ավտոմեքենայով Տավուշի ուղղությամբ ՀՀ պետական սահմանը խախտելու փորձ են կատարել: «Հայկական կողմի նախազգուշացումից հետո Ադրբեջանի զինծառայողները, թողնելով ՈՒԱԶ մակնիշի ավտոմեքենան, վերադարձել են իրենց դիրք: Ժամը 13: 45-ին Ադրբեջանի զինված ուժերի զինծառայողները կրկնել են հայկական զինված ուժերի սահմանային դիրքը գրավելու փորձը, կիրառելով հրետանային կրակ, սակայն ճնշվել են հայկական կողմից և, կորուստներ կրելով, հետ շպրտվել»,- հայտնել էր ՀՀ պաշտպանության նախարարության մամուլի խոսնակ Շուշան Ստեփանյանը՝ հավելելով, որ հայկական կողմից կորուստներ չկան:
Ավելի ուշ Շուշան Ստեփանյանը տեղեկացրել էր, որ Ադրբեջանական կողմը վերսկսել է հրետակոծել հայկական նույն դիրքի ուղղությամբ, որտեղի ժամեր առաջ փորձել էին ՈՒԱԶ մակնիշի ավտոմեքենայով անցնել հայ–ադրբեջանական սահմանը: «Ադրբեջաբական կողմը վերսկսել է հրետակոծել մեր նույն դիրքի ուղղությամբ 82 մմ ականանետից և տանկից: Իրավիճակի լարման հետևանքների ամբողջ պատասխանատվությունը կրելու է Ադրբեջանի ռազմաքաղաքական ղեկավարությունը»,- հայտնել էր նա:
Առավոտյան արդեն Շուշան Ստեփանյանը հայտնել էր, որ երկու–երեք ժամվա դադարից հետո հակառակորդը վերսկսել է սադրիչ գործողությունները՝ շարունակելով հրետակոծել հայկական դիքերի ուղղությամբ։ Ադրբեջանի սանձազերծած գործողությունների արդյունքում վիրավորվել է հայկական կողմի 3 զինծառայող և երկու ոտիկան, որոնցից որևէ մեկի կյանքին վտանգ չի սպառնում:
Հուլիսի 13-ին ՀՀ Պաշտպանության նախարարությունը հայտնել է, որ Չինարի բնակավայրի ուղղությամբ ադրբեջանական զինված ուժերն արձակել են 82 մմ տրամաչափի ականանետից 7 արկ, իսկ 120 մմ տրամաչափի ականանետից՝ 3 արկ։
