Լուրեր
Եթե այս օրերին չեք կարող որևէ բարի բան ասել, ձեր աչքի առջև ունեցեք դիրք պահող մեր տղաներին ու լուռ մնացեք. Բագրատ Սրբազան
  • 23:03
  • 2020-07-13
  • Դիտումներ՝ *

Այս օրերին մենք կուզենք ավելի շատ տեսնել համախմբում, ավելի ոգևորության խոսքեր, կոչեր, ավելի տեսնել աջակցության կոչեր: Այս մասին «Առաջին լրատվական»-ի հետ զրույցում նշեց Հայ առաքելական եկեղեցու Տավուշի թեմի առաջնորդ Բագրատ Գալստանյանը:

«Բայց ինչպես միշտ տարածվում է այն, ինչը մենք չենք ուզում տեսնել կամ լսել այն իմաստով, որ անընդունելի են մեզ համար: Այդ իմաստով, ես այսօր էլ ասացի՝ եթե չեք կարող որևէ բարի բան ասել, որևէ մեկը՝ անկախ գույնից, տեսակից, քաղաքական կողմնորոշումից, կուսակցական կամ անկուսակցական լինելուց, նվիրյալ կամ անտարբեր լինելուց, եթե այսօր չեք կարող բարի բան ասել, ձեր աչքերի առջև ունեցեք սահմանապահ ժողովրդին, ունեցեք ձեր, մեր, բոլորիս կյանքի համար առաջնագծում մարտնչող, դիրք պահող մեր տղաներին ու լուռ մնացեք: Ես դեռ չեմ ասում, որ աղոթք արեք այս ժողովրդի համար, աղոթք արեք մեր զինվորների համար»,-ասաց նա:

  • Դիտումներ՝ *