Իտալիայի, Ֆրանսիայի, Գերմանիայի, Մալթայի և Իսպանիայի ներքին գործերի նախարարները, ինչպես նաև պրոֆիլային եվրակոմիսարները Ալժիրից, Լիբիայից, Մավրիտանիայից, Մարոկկոյից և Թունիսից ժամանած իրենց պաշտոնակիցների հետ քննարկել են «փոխադարձ պարտավորությունների ամրապնդումը՝ միգրանտների անօրինական փոխադրումը կանխելու և դրա դեմ պայքարի հարցում»:
Այդ մասին ասվում է Իտալիայի գերատեսչության հաղորդագրության մեջ: Հանդիպումը, որն անցկացրել է իտալական կողմը, տեսախորհրդաժողովի ձևաչափով տեղի է ունեցել Տրիեստ հյուսիսային քաղաքից:
«Մասնակիցներն ընդգծել են, որ մարդկային տառապանքների նվազումը, խոցելի բնակչության շահագործման դեմ պայքարը և մարդկանց զոհվելը ծովում ու ցամաքում մնում են իրենց ընդհանուր բարոյական պարտքը և բոլորի ընդհանուր խնդիրը»,-ասվում է հաղորդագրության մեջ:
Նախարարները նշել են աջակցությունը իրավապահ և սահմանապահ մարմիններին, որոնք զբաղվում են ծովում և ցամաքում փրկարարական աշխատանքներով և միգրանտների փոխադրմամբ զբաղվող հանցավոր կազմակերպությունների ոչնչացմամբ: Տեսախորհրդաժողովի մասնակիցները պարտավորվել են շարունակել աֆրիկացի պաշտոնակիցների հետ երկխոսությունը՝ որոշելու համար միգրանտների դեմ պայքարում համագործակցության ապագա ուղղությունները՝ հաղորդել է ՌԻԱ Նովոստին: