Այսօր՝ հուլիսի 13-ին, Ազգային ժողովում սկսվել է արտահերթ նիստ: Օրակարգում արտակարգ դրության ռեժիմի երկարացման հարցն է:
«Լուսավոր Հայաստանի» պատգամավոր Արկադի Խաչատրյանը փոխվարչապետ Տիգրան Ավինյանից հետաքրքրվեց, թե որքանով է ճիշտ տեղեկատվությունը, որ ՌԴ-ում այսօր-վաղը հանվելու են բոլոր սահմանափակումները, այդ թվում` դիմակների կրման. «Ինչպե՞ս եք համագործակցում ՌԴ-ի հետ այս համավարակի դեմ պայքարի շրջանակներում»:
Նա հետաքրքրվեց նաև, թե որ պայմանների առկայության դեպքում կդադարեցվի արտակարգ դրության ռեժիմը:
Պատգամավորն անդրադարձավ նաև Ռեմդեսիվիր դեղամիջոցին. «Այն ազատ վաճառքի կդրվի՞ դեղատներում»:
Ի պատասխան` Ավինյանն ասաց. «Այո, առողջապահության նախարարությունը իրականացրել է գնումը, բայց այն հասանելի չի լինելու դեղատներում, այլ օգտագործվելու է կորոնավիրուսի բուժման նպատակով համապատասխան ԲԿ-ներում»:
Մանրամասն՝ տեսանյութում:
