Իրանի իշխանությունները զեկույց են հրապարակել Թեհրանի օդանավակայանից դուրս գալուց կարճ ժամանակ անց երկու հրթիռներով խոցված ուկրաինական ուղևորատար ինքնաթիռի կործանման հետաքննության արդյունքների վերաբերյալ: Ողբերգությունը տեղի է ունեցել 2020 թվականի հունվարի 8-ին: «Ուկրաինական ավիաուղիներ» ընկերության 752 չվերթի ինքնաթիռում 176 մարդ կար, բոլորը մահացել էին:
Իրանցի քննիչները կարծում են, որ աղետի պատճառը ռադիոլոկացիոն կայանի սխալ կարգավորումն էր, որը սխալ ազդանշան էր փոխանցել հակաօդային պաշտպանության օպերատորներին: Օպերատորները, ինչպես հետևում է զեկույցից, ՀՕՊ հրամանատարության հետ չեն համաձայնեցրլ հրթիռներ արձակելը:
Բրիտանական The Guardian-ը նշում է, որ ինքնաթիռի կործանման կապակցությամբ առաջին արձագանքում Թեհրանը պնդում էր, որ ինքնաթիռում գտնվող «տեխնիկական խնդիրներն» են հանգեցրել վթարի: Սակայն մի քանի օր անց Իրանի իշխանությունները խոստովանեցին, որ իրենց հրթիռները սխալմամբ են խոցել ինքնաթիռը:
Իրանի քաղաքացիական ավիացիայի մարմնի կողմից հրապարակված զեկույցում նշվում է, որ Թեհրանի մերձակայքում գտնվող ՀՕՊ համակարգերը ժամանակ չեն ունեցել ժամանակին վերակազմավորելու սարքավորումները: Այդ առավոտ զորքերը գտնվում էին «ուժեղացված տագնապի» վիճակում, որը հայտարարվել էր մի քանի ժամ առաջ՝ կապված հարևան Իրաքում ամերիկյան բազան հրետակոծելու ԱՄՆ-ի՝ Իրանի դեմ պատասխան գործողությունների սպառնալիքի հետ:
The Guardian-ը, որտեղ ներկայացվում է իրանական պաշտոնական զեկույցը, կատարվածի տեխնիկական մանրամասների հետ մեկտեղ, նշում է, որ ինքնաթիռի անձնակազմը հետևել է Թեհրանի օդանավակայանից մեկնման մասին սահմանված արձանագրությունին և նրա գնդակոծման ժամանակ հետևել է հաստատված երթուղուն:
Ուկրաինական ինքնաթիռի սեւ արկղերը դեռ մնում են իրանցի փորձագետների մոտ, չնայած թռիչքի տվյալների գաղտնագրման համար սարքավորումների բացակայությանը: Հուլիսի 20-ին սպասվում է, որ վթարի վայրում հայտնաբերված «սև արկղերը» կհանձնվեն Ֆրանսիային՝ գաղտնազերծման համար, հայտնում է իրանական IRNA գործակալությունը:
