Եվրամիության երկրներում իրական համախառն ներքին արդյունքը (ՀՆԱ) 2019 թվականի մակարդակին կվերադանա սոսկ 2022 թվականին, սակայն այնուհետև բուն տետեսության զգալի կառուցվածքային վերակառուցում կպահանջվի: Այդ մասին ասված է Արժույթի միջազգային հիմնադրամի (ԱՄՀ) Եվրոպայի դեպարտամենտի տնօրեն Պոուլ Թոմսենի հոդվածում, որը հրապարակվել է հուլիսի 13-ին: «Մենք այժմ սպասում ենք, որ 2020 թվականին Եվրամիությունում իրական ՀՆԱ-ն կկրճատվի 9,3 տոկոսով, իսկ այնուհետև 2021 թվականին կավելանա 5,7 տոկոսով և 2019 թվականի մակարդակին կվերադառնա սոսկ 2022-ին»,- նշել է մասնագետը:
«Քաղաքական գործիչները նաև պետք է ընդունեն, որ հետճգնաժամային տնտեսությունը կարող է շատ նման չլինել 2019 թվականի նմուշի տնտեսությանը: Պարզ է դառնում, որ մենք արմատական փոփոխություններ ենք ապրում, և դրանք մեզ անհրաժեշտ են»,- համոզված է Թոմսենը: Նրա խոսքով՝ իշխանությունները պետք է պատրաստ լինեն այն իրավիճակին, որի դեպքում «համավարակը կտևի մի քանի տարի, իսկ դան կհետևեն նոր համավարակներ»: «Եվրոպակն պետք է ձգտի նոր, ավելի էկոլոգիական տնտեսության, որն ի վիճակի լինի արդունավետորեն գործելու նույնիսկ սոցիալական հեռավորության ավելի երկարատև միջոցների պայմաններում»,- կարծում է հոդվածի հեղինակը: Կորոնավիրուսային վարակի հարուցած հիվանդության բռնկումն արձանագրվել է 2019 թվականի վերջին Կենտրոնակաան Չինաստանում և տարածվել երկրների մեծ մասում:
Մարտի 11-ին Առողջապահության համաշխարհային կազմակերպությունն այն ճանաչել է համավարակ: Բոլոր երկրները և տարածքները հարկադված էին ձեռնարկելու սանիտարա-համաճակաբանական բնույթի տարբեր արտակարգ միջոցներ, ինչը հանգեցրել է խորը միջազգային տնտեսական ճգնաժամի: ԱՄՀ-ի կանխատեսմամբ՝ ընթացիկ տարում համաշխարհային տնտեսությունում կարձանագրվի անկում գրեթե 5 տոկոսի չափով, բայց այն կվերականգնվի և հաջորդ տարի կաճի 5,4 տոկոսով, հաղորդել է ՏԱՍՍ-ը:
