Երեկ ժամը 23։10-ի սահմաններում ավտովթար է տեղի ունեցել Արարատի մարզում, հայտնում է shamshyan.com-ը։
Նոր Խարբերդ գյուղի բնակիչ 35-ամյա Գրիշա Մարտիրոսյանն իր վարած Opel Astra մակնիշի ավտոմեքենայով Մասիս քաղաքի Երևանյան փողոցի եկեղեցու հարևանությամբ դեռևս անհայտ հանգամանքներում դուրս է եկել ճանապարհի երթևեկելի գոտուց, բախվել եկեղեցու տարածքի երկաթե ցանկապատերին, կոտրել մի մասը, այնուհետև բախվել երկաթե հովանոցներին և քարե ցայտաղբյուրներին կոտրելով դրանք։
Վթարի հետևանքով՝ վարորդը մարմնական վնասվածքներով տեղափոխվել է «Էրեբունի» բժշկական կենտրոն։ Դեպքի վայր են ժամանել Ճանապարհային ոստիկանության 2-րդ սպայական գումարտակի 1-ին վաշտի 2-րդ դասակի ծառայողները։ Փաստի առթիվ նյութեր են նախապատրաստվում։ Վթարի մասին տեղեկությունը փոխանցվել է Ոստիկանության Մասիսի բաժին, որտեղից ժամանել է օպերատիվ խումբը:
