Ստամբուլում Սուրբ Սոֆիան մզկիթի վերածելը քայլ կլինի դեպի մեծ Թուրքիա: Այս հայտարարությունն արել է երկրի առաջնորդ Ռեջեփ Թայիփ Էրդողանը, հայտնում է NTV հեռուստաալիքը:
Թուրքական պետության ղեկավարը շեշտեց, որ Սուրբ Սոֆիայի տաճարի կարգավիճակը փոխելու որոշում կայացնելիս Անկարան առաջնորդվել է ժողովրդի կարծիքով, և ոչ այն բանով, թե ինչ են ասում Թուրքիայի մասին:
Էրդողանը հայտարարել է, որ իր երկիրը կշարունակի «մեծ և ուժեղ Թուրքիա կառուցելու ճիշտ ուղու վրա մնալ»:
Ավելի վաղ Թուրքիայի նախագահ Ռեջեփ Թայիփ Էրդողանը հրամանագիր է ստորագրել Սուրբ Սոֆիա տաճարին մզկիթի կարգավիճակ շնորհելու մասին՝ չեղարկելով Թուրքիայի իշխանությունների 1934 թ. որոշումը:
Սուրբ Սոֆիան հիմնադրել է Բյուզանդիայի կայսր Հուստինիանոս I-ը, որը բացվել է 537 թվականին: Մայր տաճարը շուրջ 1000 տարի աշխարհի ամենամեծ քրիստոնեական եկեղեցին էր։ 1453 թվականին Կոստանդնուպոլսի անկումից հետո թուրքերը Սուրբ Սոֆիայի տաճարը դարձրին մզկիթ:
1934 թ. ժամանակակից Թուրքիայի հիմնադիր Քեմալ Աթաթուրքը հրամանագիր ստորագրեց մզկիթը թանգարան վերածելու մասին: Մի քանի տասնամյակ անց Տաճարն ընդգրկվեց ՅՈՒՆԵՍԿՕ-ի համաշխարհային ժառանգության ցանկում:
