ՄԻԵԴ-ը մերժել է Սահմանադրական դատարանի նախկին նախագահ Հրայր Թովմասյանի և ՍԴ երեք նախկին դատավորների՝ միջանկյալ միջոց կիրառելու պահանջը: Ինչպես ակնկալվում էր, այս առնչությամբ հնչեցին իրարամերժ մեկնաբանություններ: Թեմայի շուրջ «Առաջին լրատվական»-ը զրուցել է իրավաբան Էդգար Շաթիրյանի հետ:
«Խոսքը վերաբերում է ոչ թե ՍԴ նախկին նախագահի և ՍԴ նախկին անդամների դիմումը կամ գանգատը մերժելուն, այլ սոսկ միջանկյալ միջոց կիրառելու վերաբերյալ դիմումը մերժելուն: Միջանկյալ միջոցի կիրառությունը եզակի է և բացառիկ, հազվադեպ է կիրառվում այդ միջոցը, այն լայն տարածում չունի: Չորս դիմումատուների շարքում է եղել նաև ՍԴ փոխնախագահ տիկին Գյուլումյանը, որը տևական ժամանակ ՄԻԵԴ-ում զբաղեցրել է դատավորի պաշտոն. կարծում եմ նա պետք է տեղյակ լիներ, որ միջանկյալ միջոցի կիրառությունը բացառիկության կարգով է տեղի ունենում և եզակի դեպքերում»:
Էդգար Շաթիրյանը նաև ընդգծեց, որ ՄԻԵԴ-ը որևէ կերպ իրավասու չէ կասեցնել Հայաստանում տեղի ունեցած Սահմանադրական փոփոխությունները:
