Հայաստանում դատական համակարգը ամենախնդրահարույց ոլորտներից է և համակարգային, հեղափոխական փոփոխությունների կարիք ունի։ Այդ գործընթացը չի կարող ամբողջական ու համալիր լինել առանց դատավորների շրջանում համատարած վեթինգի՝ զտման։ Վեթինգի մասին խոսելիս մենք օբյեկտիվորեն առաջին հերթին անդրադառնում ենք դատական համակարգում գործող արատավոր, կոռուպցիոն ու հանցավոր կապեր ունեցող, նախկին իշխանությունների ու օլիգարխիայի ազդեցության տակ գտնվող դատավորներին։
Դրան զուգահեռ, սակայն, մենք որևէ առիթ չպետք է բաց թողնենք՝ խոսելու համար դատական համակարգում, այդ թվում Վճռաբեկ դատարանում ու մյուս ատյաններում գործող իրապես անկաշառ, անբասիր, մասնագիտական ու անձնային բարձր որակներ ունեցող դատավորների մասին։
Հավատացած եմ, որ այդպիսի դատավորները մեր դատական իշխանությունում գերակշռում են վեթինգի ենթակա, կառուպացված ու հանցավոր դատարվորներին։ Հենց այդ՝ մասնագիտական ու անձնային բարձր որակներ ունեցող դատավորները պետք է դառնան դատական համակարգում կատարվելիք արմատական բարեփոխումների իրականացնողներն ու առաջամարտիկները, այդ բարեփոխումները, լայն իմաստով, պետք է հիմնվեն հենց այդ դատավորների վրա։
Մենք ունենք մեծ թվով անբասիր, անկաշառ ու իրենց բարձր կոչմանը հավատարիմ դատավորներ, որոնց թիվը, վստահ եմ, կատավելիք բարեփոխումների արդյունքում բազմապատկվելու է՝ երաշխիք դառնալով իրապես անկախ ու արդյունավետ գործող դատական իշխանության համար։
Ինչու հենց այսօր հիշեցի մեր դատական իշխանության նվիրյալներին։ 22 տարի առաջ այս օրը՝ հուլիսի 10–ին հիմնադրվել է ՀՀ Վճռաբեկ դատարանը, ինչի արդյունքում Հայաստանը երկաստիճան դատական համակարգից անցում է կատարել եռաստիճան համակարգի։
Շնորհավորում եմ բոլոր նրանց, ովքեր անձնապես ավանդ են ներդրել այս կարևոր գործում։
https://www.facebook.com/babajanyana/photos/a.2309525339078180/3441622945868408/?type=3&theater
