ԱՄՆ-ը և Ռուսաստանը կանցկացնեն համատեղ ուսումնական վարժանք, որի ժամանակ «ահաբեկիչներն իբր գողացած կլինեն են ատոմային զենք»: Այս մասին հայտնել է ԱՄՆ պետդեպարտամենտի մամլո ծառայությունը: Ինչպես մանրամասնել է պետդեպարտամենտի ներկայացուցիչը «Ծիրանագույն հեծյալը» վարժությունները տեղի կունենան Վայոմինգ նահանգի Քեմպ Հերնսի ռազմական բազայում:
Ըստ ԱՄՆ պետդեպարտամենտի տեղեկության՝ ուսումնական վարժություններն ուղղված են ատոմային զենքի փոխադրման անվտագության բարձրացմանը:
Ռազմական գործողությունների խաղերի սցենարի համաձայն ատոմային զենքի փոխադրման ժամանակ պետք է կասեցվի ահաբեկիչների հարձակումը, որոնք այդ ժամանակ օգտագործում են նաև ինքնաշեն պայթուցիկ սարքեր: «Գլխավոր նպատակը տակտիկական գործողությունների, մեթոդների համատեղ իրականացնումն է, և, հետևապես, ատոմային միջոցների համատեղ պաշտպանության մշակումը»,- նշել է ամերիկյան կողմը:
Այս տարվա հունիսին Ռուսաստանը և ՆԱՏՕ-ն համատեղ իրականացրել են ուսումնական վարժություններ ինքնաթիռների օգնությամբ ահաբեկչական ակտերի կանխարգելման ուղղությամբ: