Այսօր՝ հուլիսի 9-ին, Ազգային ժողովում շարունակվում է արտահերթ նիստի աշխատանքը:
«Իմ քայլը» խմբակցության պատգամավոր Ռուստամ Բաքոյանն իր ելույթում անդրադարձավ վերջին շրջանում Ստամբուլի Սուրբ Սոֆիայի շուրջ տեղի ունեցող իրադարձություններին: «Վերջերս Թուրքիայի նախագահ Էրդողանը մտադրություն է հայտնել տաճարը կրկին վերածել մզկիթի, ինչը դժգոհության ալիք է բարձրացրել ոչ միայն քրիստոնյա աշխարհում»,- հայտարարեց պատգամավորը:
Նա հիշեցրեց, որ տաճարի ճարտարապետության մեջ իր մեծ ներդրումն է ունեցել նաև հայ ազգը. «Տրդատ ճարտարապետի վերակառուցած գմբեթը այսօր զարդարում է քրիստոնյա աշխարհի այս հզոր մշակութային կոթողը»:
«Ես որպես եզդիական համայնքի ներկայացուցիչ` դատապարտում եմ թուրքական քաղաքականությունը հայերի ճարտարապետական կառույցները վնասելու ուղղությամբ, և հույս եմ հայտնում, որ Թուրքիայի նախագահը իր որոշումից հետ կկանգնի և Սուրբ Սոֆիայի տաճարը կմնա որպես թանգարան»:
Մանրամասն՝ տեսանյութում: