ԱՄՆ-ում, հուլիսի 7-ին, կորոնավիրուսով հիվանդների թիվը հասել է գրեթե 55.5 հազարի: Մահացել է 993 մարդ: Հունիսի 6-ին մահացել է 378 հիվանդ: Հանգստյան օրերից և տոներից հետո վարակի դեպքերի թիվն աճել է գրեթե հինգ հազարով: Այս օրերին վիճակագրությունը կարող էր անկանոն կերպով թարմացվել:
Միացյալ Նահանգներում կորոնավիրուսով հիվանդացության վերջին ռեկորդը գրանցվել էր հուլիսի 3-ին, երբ COVID-19-ով գրեթե 59 հազար հիվանդ էր հայտնաբերվել:
Միացյալ Նահանգներում COVID-19-ով վարակվածների ընդհանուր թիվը գերազանցել է երեք միլիոնը: Համաճարակի սկզբից ի վեր մահացել է գրեթե 135 հազար հիվանդ:
Երկիրն աշխարհում առաջին տեղն է զբաղեցնում հիվանդության հաստատված դեպքերի քանակով: COVID-19-ից առավել տուժածը Նյու Յորքի նահանգն է: Այստեղ գրանցվել է կորոնավիրուսով վարակի ավելի քան 400 հազար դեպք: Մահացել է ավելի քան 32 հազար մարդ:
Ավելի վաղ ԱՄՆ նախագահը COVID-19-ի համավարակի հետ կապված իրավիճակի համար մեղադրել էր Չինաստանին: Դոնալդ Թրամփի խոսքով, Պեկինը համաշխարհային հանրությանը ժամանակին չի տեղեկացրել հիվանդության վտանգի մասին:
