Բելգրադի կենտրոնում զանգվածային անկարգություններ են տեղի ունեցել: Քաղաքի բնակիչները դուրս են եկել փողոց այն բանից հետո, երբ Սերբիայի նախագահ Ալեքսանդր Վուչիչը հայտարարել է կորոնավիրուսի դեմ պայքարի նպատակով նոր սահմանափակումներ մտցնելու իշխանությունների մտադրության մասին, հաղորդում է «ՌԻԱ Նովոստին»:
Հաղորդվում է, որ ցուցարարներից ոմանք գրոհել են ոստիկանության ջոկատաշղթան, նրանցից ոմանց հաջողվել է մտնել Սերբիայի խորհրդարանի նախասրահ: Բացի այդ, նրանք ոստիկանական երեք մեքենա և մի քանի աղբարկղեր են այրել: Ի պատասխան ոստիկանությունը արցունքաբեր գազ և այլ հատուկ միջոցներ է կիրառել:
Համաձայն Սերբիայի ՆԳՆ-ի գնահատականների, խորհրդարանի շենք դիմաց մոտ 5 հազար մարդ է հավաքվել: Իսկ ցուցարարները, որոնք կարողացել են մոտք գործել խորհրդարանի նախասրահ, արդեն կալանավորված են:
Հուլիսի 7-ի դրությամբ, Սերբիայում COVID-19-ի դեպքերի ընդհանուր թիվը հասել է 16.719-ի, մահացել է 330 հիվանդ:
