ԱՄՆ նախագահ Դոնալդ Թրամփը հաստատել է պետքարտուղար Մայք Պոմպեոյի այն հայտարարությունը, որ Միացյալ Նահանգների իշխանությունները դիտարկում են երկրի տարածքում չինական TikTok հավելվածն արգելելու հնարավորությունը, հաղորդում է Bloomberg-ը:
Միևնույն ժամանակ նա հավելել է, որ «դա մեծ բիզնես է»:
«Լսեք, այն ինչ պատահեց Չինաստանի հետ և այս վիրուսի հետ, և այն, ինչ նրանք արեցին այս երկրի և ամբողջ աշխարհի հետ, վրդովեցուցիչ է»,- հայտարարել է ԱՄՆ առաջնորդը:
Թրամփը պարզաբանել է, որ երկրում TikTok-ի արգելքը տարբերակներից մեկն է՝ ի պատասխան կորոնավիրուսային վարակով պայմանավորված իրավիճակի:
Ավելի վաղ ԱՄՆ պետքարտուղար Մայք Պոմպեոն հայտարարել էր, որ ԱՄՆ-ում դիտարկում են չինական TikTok սոցցանցի արգելափակման հարցը, քանի որ հավելվածը, ենթադրաբար, կարող է օգտատերերի անձնական տվյալները փոխանցել Չինաստանի իշխանություններին: