Գրեթե 60 մարդ է զոհվել և 16-ն անհայտ կորել Կյուսյու հարավ – արևմտյան կղզում, որտեղ երեք օր շարունակ սաստիկ անձրևներ են տեղացել: Հուլիսի 8-ին այդ մասին հաղորդել է NHK հեռուստաալիքը՝ վկայակոչելով ոստիկանության և փրկարարական ծառայությունների տվյալները:
Պաշտոնապես զոհվածների ցուցակում ներառված Է 57 մարդ, ևս երկուսը համարվում են այպսպես կոչված սրտի և թոքերի կանգի վիճակում, քանի որ Ճապոնիայում մահն արձանագրելու իրավունք ունի սոսկ հատուկ բուժաշխատողը՝ սահմանված ընթացակարգով: Գործնականում բոլոր զոհվածները դարձել են տեղատարափ անձրևների հարուցած սողանքների և հեղեղումների զոհեր:
Անձրևաբեր ճակատը կտեղաշարժվի Ճապոնիայի Հոնսյու գլխավոր կղզու կենտրոնական մաս՝ Նագանոյի և Գիֆուի պրեֆեկտուրաների շրջան: Այնտեղ հեղեղումների և լեռնային սողանքների սպառնալիքի պատճառով տարահանման հանձնարարակններ է ստացել ավելի քան 54 հազար մարդ:
Տեղացի փրկարարներին օգնելու համար աղետի գոտի է ուղարկվել շուրջ 20 հազար զինծառայող, հաղորդել է ՏԱՍՍ-ը: