«Առաջին լրատվական»-ը հարցախույզ է իրականացրել Երևանի փողոցներում՝ պարզելու՝ քաղաքացիներն արդյոք ՍԴ ճգնաժամը հաղթահարված համարում են, թե ոչ։ Քաղաքացիները նշել են, որ ճգնաժամը դեռ ամբողջովին հաղթահարված չէ, բայց հույս են հայտնել, որ առաջիկայում կլուծվի։
«Եթե նորմալ, ճիշտ դատավորներ ընտրվեն, սիստեմն աշխատի, տարիների ընթացքում ավելի ուժեղ հիմքեր կունենա ու շատ ավելի վստահելի լինի, քան մինչև այս վերջին 30 տարիներին։ Այո, հիմա անցումային շրջան է, և նորմալ է, որ այդ կառույցի հանդեպ դեռ 100% վստահություն չկա։ Հաստատ ավելի լավ է, քան առաջ էր, բայց ապագայի համար պետք է լուրջ քայլեր անել, ճիշտ հիմքեր դնել, որ հետագայում նման խնդիրների առաջ չկանգնենք»,-ասել է քաղաքացիներից մեկը։