«Հեղափոխությունից անմիջապես հետո պետական կառավարման համակարգում հատկապես ամերիկյան ուղղությամբ աշխատող մեր գործընկերները օրի չի եղել, որ չմտածեն կամ գործ չանեն այս ուղղությամբ: Սա շատ սպեցիֆիկ ծրագիր է, որը ամերիկյան տարեկան բյուջեում բավականին մեծ տեղ է զբաղեցնում և տարբեր երկրների համար այս ակումբի անդամ դառնալը ոչ միայն ֆինանսական աջակցություն է ենթադրում, այլ նաև նշանակում է տարբեր ոլորտներում որոշակի մակարդակի հասած երկիր ունենալ: Մի շարք չափորոշիչների մասով մենք համապատասխանելիության խնդիր չունենք, այստեղ միայն քաղաքական խնդիրն է և քաղաքական մակարդակում ԱՄՆ-ի հետ բանակցությունները պիտի լրջացվեն:
Հետհեղափոխական շրջանում այո՛, ԱՄՆ-ի կողմից և առհասարակ, ժողովրդավարությունը կարևորող երկրների կողմից Հայաստանի նկատմամբ վերաբերմունքի փոփոխություն կա, որը դրսևորվել է ինչպես տեխնիկական աջակցության ծավալների աճի տեսքով, այնպես էլ տարբեր մակարդակներում ԱՄՆ-ի հետ մեր համագործակցությունը բարձրացնելու տեսքով:
Որքան էլ ողբերգական հնչի, այդուհանդերձ, կորոնավիրուսի համավարակն ու դրա ազդեցությունը մեր տնտեսության վրա՝ կոնկրետ «Հազարամյակի մարտահրավերներ» ծրագրի շրջանակներում այո՛, կարող է նոր հնարավորությունների եզրեր բացել և կրկնում եմ, որ այս ուղղությամբ պետք է ուղղակի ինտենսիվ աշխատել, հետևել ու բանակցել ոչ միայն ԱՄՆ-ի հետ երկկողմ մակարդակում, այլ նաև ֆինանսատնտեսական այն կառույցների հետ, որոնց տվյալների հիման վրա որոշում է կայացվում երկրներին այս կամ այն կատեգորիայի մեջ ներառելու համար: Այստեղ կա բյուրոկրատական շատ մեծ աշխատանք տանելու հնարավորություն և մենք պետք է մեր հնարավորությունն օգտագործենք»: Այս մասին «Առաջին լրատվական»-ի հետ զրույցում ընդգծեց Վրաստանում գործող «Ալիք մեդիա» հայալեզու հարթակի գլխավոր խմբագիր Արսեն Խառատյանը՝ խոսելով ամերիկյան «Հազարամյակի մարտահրավերներ» ծրագրի Հայաստանի կրկին շահառու դառնալու հնարավորության մասին:
Մանրամասները՝ տեսանյութում: