Ամերիկացի հայտնի գրող Մարկ Տվենը կարծում էր, որ կա ստի երեք տեսակ՝ պարզապես սուտ, լկտի սուտ և վիճակագրություն: Որքանո՞վ է վստահելի վիճակագրությունը Հայաստանում, ինչպե՞ս հավատալ կամ չհավատալ թվերին, և, առհասարակ, ինչի՞ մասին են խոսում թվերը: Թեմայի շուրջ «Առաջին լրատվական»-ը զրուցել է մշակութային մարդաբան Աղասի Թադևոսյանի հետ:
Օրերս «Գելափ ինթերնեյշնլ» կազմակերպության հայաստանյան գրասենյակը հրապարակեց հունիսի 10-27-ը հեռախոսազանգերի միջոցով անցակցրած հետազոտության արդյունքները, հարցմանը մասնակցել է 1200 մարդ: Ըստ այդ հարցման արդյունքների՝ Հայաստանում իշխանություններին վստահում է հարցվածների 63,2 տոկոսը, վարչապետ Նիկոլ Փաշինյանին 85 տոկոսը:
Հարցին, թե որքանով կարելի է վստահել այսպիսի հետազոտություններին, Աղասի Թադևոսյանը նշեց. «Բոլոր նմանատիպ հարցումները, հատկապես հեռախոսազանգերով և 1200 հոգու մասնակցությամբ, շատ պայմանական բնույթ են կրում, այսինքն՝ սոցիոլոգիական հարցումը շատ նուրբ երևույթ է և կարող է ունենալ շատ մանիպուլյատիվ էլեմենտներ: Նաև չափազանց կարևոր է, թե ինչ վարկ ունի հետազոտությունն իրականացնող կազմակերպությունը: Անձամբ ինձ համար «Գելափ»-ի իրականացրած հարցումներն արժանահավատ չեն, որովհետև նրանք Հայաստանում ձևավորած տխուր ավանդույթ ունեն, նախկին իշխանությունների օրոք թվեր էին հրապարակում, որոնք հաճախ չէին արտացոլում իրականությունը: Եվ այս թվերն էլ արժանահավատ չեն, վստահություն չեն ներշնչում: Իհարկե իշխանությունների վարկանիշը հասարակության մեջ բարձր է, բայց կարծում եմ վարչապետի 85 տոկոս վարկանիշը չափազանվցած է: Ակնհայտ է, որ դրա մեջ մանիպուլյատիվ էլեմենտ կա:
Մանրամասն՝ տեսանյութում:
