Ճապոնիայի Նագասակի, Ֆուկուոկա, Կումամոտո, Օիտա նահանգների շուրջ 1.3 միլիոն բնակիչներին առաջարկվել է տարհանվել ջրհեղեղի պատճառով, հայտնում է NHK հեռուստաալիքը:
Հուլիսի 4-ից ի վեր երկրում մահացել է 52 մարդ՝ վատ եղանակային պայմանների պատճառով, ևս երկուսը գտնվում են ծանր վիճակում: Անհայտ կորած է 14 մարդ:
Հեղեղները տեղի են ունեցել Կյուշու կղզում, Շիկոկու և Հոնշու կղզու մասերում: Որոշ շրջաններում վերջին օրվա ընթացքում տեղացել է ավելի քան 200 մմ տեղում, ինչը հանգեցրել է գետի հորդացման և ջրհեղեղի: 6 հազար տուն և 22 հիվանդանոց մնացել են առանց լույսի: Ներկայումս փրկարարներն ու 10 հազար զինծառայողներ պայքարում են աղետի հետևանքների դեմ:
Ճապոնիայի գյուղատնտեսության, անտառտնտեսության և ձկնաբուծության նախարարությունը հրամայել է բնակիչներին օգնելու համար Քյուշու առաքել 100000 սննդի փաթեթ: