Առողջապահության Նախարար Արսեն Թորոսյանն այսօր հայտնեց, որ նոր հիվանդանոցներ են միանում համաճարակի դեմ պայքարում։
«Նախորդ օրը արձանագրվել է 349 դեպք, նոր կատարված թեստերից 1273 թեստից՝ թիվը կրկին ցածր է և հավասար է կիրակի արձանագրված դեպքերի թվին։ Ցածր տոկոսը պայմանավորված է կատարված թեստերի քիչ թվով, իսկ դրանց քիչ թիվը պայմանավորված է կիրակի և երկուշաբթի օրով։ Երկար ժամանակ է երկուշաբթի օրերին դիտվում է ցածր թվեր, քանի որ շաբաթը նոր է սկսվում և մյուս օրերին թեստավորման թվերը նոր մեծանում են և դառնում մեր հնարավոր մաքսիմալ հզորությանը համապատասխան, մոտավորապես 2500 թեստին համապատասխան»,- ասուլիսի ժամանակ հայտնեց Արսեն Թորոսյանը։
Նախարարը հավելեց, որ մահճակալային ֆոնդը մեծամասամբ մնում է զբաղված, շատ քիչ ազատ տեղեր են մնում, որոնք պարբերաբար զբաղեցվում են։ Մահճակալային ֆոնդի ծավալը մեծանում է։