Ճապոնիայի Կյուսյու հարավ – արևմտյան կղզու այն բնակիչների թիվը, որոնք տեղատարափ անձրևների պատճառով տարհանման հանձնարականներ են ստացել, աճել է մինչև 1,28 միլիոն: Ադ մասին հաղորդել է NHK հեռուստաալիքը:
Կյուսյուում անձրևները շարունակվում են արդեն երրորդ օրը շարունակ: Այնտեղ որոշ շրջաններում վերջին օրը տեղացել է ավելի քան 200 միլիմետր անձրև, ինչը հանգեցրել է գետերի ընդգրկուն վարարումների և բնակելի տների ջրածածկման: Տարերքի հետևանքներից ամենից շատ տուժել է Կումամուտոյի պերֆեկտուրան:
Ճապոնիայի գյուղատնտեսության, անտառաբուծության և ձկնորսության նախարարությունը հուլիսի 7-ին կարգադրել է 100 հազար մթերային հավաքանի ուղարկել Կյույսու տեղի բնակիչների օգնության համար: Ինչպես Տոկիոյում կայացած մամուլի ասուլիսում հայտարարել է նախարարների կաբինետի գլխավոր քարտուղար Յոսիհիդե Սուգան, տարերքի հետևանքները հանգեցրել են 52 մարդու մահվան, 14-ը համարվում է անհայտ կորած: Առանց լույսի են մնում շուրջ 6 հազար տուն, ինչպես նաև 22 հիվանդանոցներ, հաղորդել է ՏԱՍՍ-ը: