Ես միշտ որոշակի վերապահումով եմ մոտեցել Հայաստանում իրականացվող սոցիոլոգիական հարցումներին: Այս մասին «Առաջին լրատվական»-ի հետ զրույցում նշեց ԱԺ «Իմ քայլը» խմբակցության պատգամավոր Հովհաննես Հովհաննիսյանը՝ անդրադառնալով «Gellup International»-ի կողմից անցկացված հարցումների արդյունքներին, ըստ որի Նիկոլ Փաշինյանի վարկանիշը 85 տոկոս է:
Դիտարկմանը, որ ընդդիմադիրները կասկածի տակ են դնում այս արդյունքները՝ նշելով, որ վարչապետի վարկանիշը 11-12 տոկոսի սահմաններում է, ԱԺ պատգամավորն ասաց. «Հետաքրքիրն այստեղ այն է, որ այդ նոփւյն մարդիկ ժամանակին եծ սիրով, մեծ էնտուզիազմով տարածում էին նույն «Gellup International»-ի հրապարակած սոցիոլոգիական հարցումների արդյունքները՝ ներկայացնելով իրենց բարձր վարկանիշները: Այսօր ճիշտ հակառակն է, նույն մարդիկ քննադատում են նույն կազմակերպությանը»,-ասաց նա՝ հավելելով, որ այդ հարցումների արդյունքների արժանահավատության մասին կարծիք հայտնելու համար ինքը պետք է ուսումնասիրի մեթոդաբանությունը:
