Հունիսի 26-ին ուժի մեջ մտան ԱԺ-ի ընդունած՝ Հայաստանի Հանրապետության Սահմանադրության փոփոխությունները: Թեմայի շուրջ «Առաջին լրատվական»-ը զրուցել է Իրավական հարցերով փորձագետ, փաստաբան Արտաշես Խալաթյանի հետ:
Սահմանադրական դատարանի դատավոր Վահե Գրիգորյանը կարծիք հայտնեց, որ նախկինում Հայաստանի ժողովուրդը ընտրությունների ժամանակ ի վիճակի չի եղել իր կամարտահայտությունն ազատորեն դրսևորելու։ Վահե Գրիգորյանի խոսքով՝ սահմանադրական փոփոխությունները, որոնց մենք ականատես ենք լինում վերջին մեկ-երկու շաբաթվա ընթացքում, հասցրել են մի հանգրվանի, երբ ՍԴ-ում այլևս որևէ քաղաքական իշխանություն չունի և չի կարող ունենալ գերիշխանություն։
Անդրադառնալով այս դիտարկմանը՝ Արտաշես Խալաթյանը նշեց, որ սա մի գործընթացի մեկնարկ է, որը ՍԴ-ին թույլ կտա հնարավորինս զերծ մնալ մոտիվացված քաղաքական որոշումներ կայացնելուց. «Երբ առնվազն կբախվեն տարբեր հետագիծ ունեցող և տարբեր ինստիտուտների կողմից առաջադրված մասնագետների կարծիքներ, հաստատապես կունենանք ավելի որակյալ արդարադատություն»:
Սահմանադրագետը նաև հավելեց, որ խորհրդարանի կողմից ՍԴ երեք անդամների և ՍԴ նախագահի փոփոխությունը ընդունելի տարբերակ է. «Սա իրավական ճանապարհով հարցի լուծում է, այս փոփոխությունը օրենքի տառին և ոգուն համապատասխան է»:
Մանրամասն՝ տեսանյութում: