Պեկինի Հիվանդությունների վերահսկողության և կանխարգելման կենտրոնը Ներքին Մոնղոլիայի ինքնավար շրջանում այտուցային ժանտախտի դեպքի կապակցությամբ բնակիչներին հանձնարարել է գիշերելու չմնալ արոտավայրերում ու տափաստաներում, շատ չմոտենալ վայրի կենդանիներին, տեղեկացնում է ՌԻԱ Մովոստի-ն:
Ավելի վաղ հաղորդվել էր, որ այտուցային ժանտախտ է հաստատվել Բայան-Նուր քաղաքում:
«Երեկ Բայան-Նուր քաղաքում հաստատվել է այտուցային ժանտախտի դեպք: Քաղաքի բնակիչներին հիշեցնում ենք, որ արոտավայր ուղևորությունների դեպքում անհրաժեշտ է ձեռնարկել կանխարգելիչ միջոցներ, պետք չէ շատ մոտենալ վայրի կենդանիներին կամ օգտագործել դրանց միսը, նաև չի հանձնարարվում գիշերել այնտեղ»,-հուլիսի 6-ին կայացած մամուլի ասուլիսում հայտարարել է Պեկինի հիվանդությունների վերահսկողության և կանխարգելման կենտրոնի փոխղեկավար Պան Սինխոն:
Այտուցային ժանտախտը համարվում է ժանտախտի՝ աշխարհում առավել շատ տարածված ձևը և առաջանում է վարակված լվի խայթելու հետևանքով: Ժանտախտի հարուցիչը՝ Yersinia pestis մանրԷն, մարդու օրագանիզմ է թափանցում խայթելու վայրում և ավշային համակարգով շարժվում մինչև մոտակա ավշային հանգույց, որտեղ սկսում է բազմանալ: Ավշային հանգույցը բորբոքվում է, այտուցվում և ստեղծում է ցավի զգացողություններ: