Հարավային Կորեայի իշխանություններն ԱՄՆ-ի և ԿԺԴՀ-ի երկխոսությանն աջակցելու պատրաստակամություն են հայտնել, չնայած Փհենյանի այն նախազգուշացմանը, որ ինքն ամերիկա-հյուսիսկորեական բանակցությունների անհրաժեշտություն չի տեսնում:
«Անփոփոխ Է մնում (Հարավային Կորեայի) կառավարության՝ ամերիկա-հյուսիսկորեական երկխոսության շուտափույթ անցկացման համար ջանքեր ներդնելու դիրքորոշումը՝ ուղղված Կորեական թերակղզու միջուկազերծմանն ու հաստատուն խաղաղության հաստատմանը», – «Ռյոնհապ» գործակալությունը մեջբերում է Հարավային Կորեայի ազգային միասնության նախարարության ներկայացուցչի հայտարարությունը:
Երկու օր առաջ Կորեայի կենտրոնական հեռագրական գործակալությունը Փենյանից հաղորդել է ԿԺԴՀ-ի ԱԳ նախարարի առաջին տեղակալ Ցոյ Սոն Հիի հայտարարությունն այն մասին, որ ԿԺԴՀ-ն ԱՄՆ-ի հետ երկխոսություն վարելու անհրաժեշտություն չի տեսնում, որն ամերիկացիների կողմից օգտագործվում է ներքին քաղաքական խնդիրները լուծելու համար: 2018 թվականից ի վեր բարձր մակարդակով երեք հանդիպում է տեղի ունեցել ԿԺԴՀ-ի և ԱՄՆ-ի ղեկավարների՝ Կիմ Չեն Ընի և նախագահ Դոնալդ Թրամփի միջև, սակայն ո՛չ միջուկազերծման, ո՛չ երկու երկրների միջև պատերազմի ձևական վիճակի դադարեցման մեջ ոչ մի առաջընթաց ձեռք չի բերվել:
Դա հանգեցրել է նաև Հարավային Կորեայի հետ ԿԺԴՀ-ի համագործակցության և շփումների դադարեցման, որոնք պետք է զարգանային ամերիկա-հյուսիսկորեական հարաբերությունների կարգավորմանը զուգահեռ, հաղորդել է ՌԻԱ Նովոստին:
