Մինեապոլիսում աֆրոամերիկացի Ջորջ Ֆլոյդի սպանության մեջ ներգրավված նախկին ոստիկաններից մեկը՝ Տա Տաոն, ազատ է արձակվել գրավի դիմաց: Այս մասին հայտնում է Fox 9 հեռուստաալիքը:
Տաոն մեղադրվում է Ֆլոյդի սպանության մեղսակցության մեջ և ազատ է արձակվել 750 հազար դոլար գրավի դիմաց, նշվում է հաղորդագրության մեջ:
Գրավով ազատ են արձակվել նաև նախկին սպաներ Թոմաս Լեյնը և Ալեքսանդր Քուենգը, որոնց նույնպես նույն մեղադրանքն է առաջադրվել, հայտնում է հեռուստաալիքը: Սպանության մեջ անմիջականորեն մեղադրվող Դերեք Շովինը շարունակում է մնալ կալանքի տակ: