Hot Dog-Eating Contest հոթ դոգ ուտելու մրցույթին, որն արդեն հարյուր տարուց ավելի ամեն տարի հուլիսի 4-ին անցկացվում է ԱՄՆ-ում, նոր համշախարհային ռեկորդ է սահմանվել:
ESPN-ի փոխանցմամբ, կանանց շրջանում հաղթող է ճանաչվել ամերիկուհի Միկի Սուդոն. նա կարողացել է 10 րոպեում 48.5 հոթ դոգ ուտել:
Տղամարդկանց շրջանում համաշխարհային ռեկորդ է սահմանել է Ջո Չեսթնաթը՝ 10 րոպեում ուտելով 75 հոթ դոգ: Այսպիսով, նա գերազանցել է 2018թ.-ի սեփական ռեկորդը, երբ նա կարողացել էր ուտել միայն 74 միավոր արագ սնունդ:
