Ամերիկացի ռեփեր Քանյե Ուեսթը կրկին հայտարարել է, որ ծրագրում է մասնակցել ԱՄՆ ընտրություններում նախագահի պաշտոնի մրցապայքարին: Այս մասին նա գրել է իր Twitter-ում:
Երաժիշտը հայտարարել է, որ պետք է իր թեկնածությունն առաջադրի երկրի նախագահի պաշտոնի համար:
«Այժմ մենք պետք է իրականացնենք Ամերիկայի հույսերը՝ վստահելով Աստծուն, միավորելով մեր տեսլականը և կառուցելով մեր ապագան»,- գրել է Ուեսթը:
Նախագահ դառնալու իր ծրագրերի մասին Ուեսթն առաջին անգամ հայտարարել է 2015 թվականին: Այդ ժամանակ երաժիշտը վստահեցրել է, որ պետք է մասնակցի 2020-ի ընտրություններին: Սակայն թեկնածուների գրանցման ժամկետն արդեն ավարտվել է: Աշնանը տեղի ունենալիք ընտրություններին մրցակցելու են ԱՄՆ գործող նախագահ Դոնալդ Թրամփը և նախկին փոխնախագահ Ջո Բայդենը, որը Դեմոկրատական կուսակցությունից է: