Լուրեր
ՀՀ կառավարության հրաժարականի պահանջը ՀՅԴ հայաստանյան կառույցի խնդիրն է. Արցախի կառույցը այն չի քննարկում
  • 17:10
  • 2020-07-05
  • Դիտումներ՝ *

Հիմա արդեն 3 դաշնակցական պատգամավոր կա Արցախի խորհրդարանում. մենք կանք, լինելու ենք, որովհետև եթե այստեղ կերտվում է հայոց պետականություն, ապա անհնարին է կառուցել պետականություն առանց Դաշնակցության մասնակցության, այդ թվում նաև Հայաստանի Հանրապետությունում: Այս մասին «Առաջին լրատվական»-ի հետ զրույցում նշեց Արցախի Ազգային ժողովի ՀՅԴ խմբակցության քարտուղար Վահրամ Բալայանը:

Դիտարկմանը, որ Հայաստանում ՀՅԴ-ն պահանջում է կառավարության հրաժարականը, այդ հարցով խորհրդակցություններ են անցկացնում այլ ուժերի հետ, կա՞ հակասություն ՀՅԴ-ի Արցախի և Հայաստանի կառույցների միջև, նա պատասխանեց. «Ընդհանրապես, մենք գաղափարական առումով մեկ կուսակցություն ենք, բայց մենք նաև ապակենտրոն կառույց ենք: Այսինքն, ասենք, Լիբանանի կառույցի որոշումը պարտադիր չէ, որ տարածվի Արցախի կառույցի վրա և հակառակը: Մենք տեղական առանձնահատկություններից ելնելով մենք որոշումներ ենք կայացնում: Այդ ամենը մեր կանոնադրությամբ կարգավորված է»:

  • Դիտումներ՝ *